من التراث القديم

لــــــــــــــــغة البيـــــــــاعيـــــــــــن

اسمع لغة البياعين بالشام وهنه دايرين لغة بدها ترجمان ونحنا عنا مترجمين
لغة بدها ترجمان خصوصي باسم البيتنجان نادوا أسود ياريان وقعة سودا وقعانين
وقعة وقعنا بها الجورة حمرا وخضرا البندورة هاتوا طبل وزامورة لنسمع يلي نايمين
لنسمع يلي نايمين : بعل و ملكي يا هالتين
يا بعل بلا مفتاح فناجين قهوة هالتفاح هاتوا طبل ومستراح لنسمع مين بيسمع
لنسمع مين بيسمع هدا طري هالنعنع من القطف عم يتضعضع من الافلاس يارب تعين
من الافلاس والخسارة مزاوية الصبارة كومناها بالحارة وبعنا الكوم بنكلتين
كومناها كوم كوم هذا للمونة ياتوم غشونا ياعيب الشوم راس الصاغ مافي ولاسن
راس الصاغ مافي ولاسن يا زعبوب البزر بن والجاجات تحت القن تحت القفص محصورين
تحت القفص و الحصار اصابيع البوبو الخيار والصبايا داير من دار المشمش طيب قمردين
قمردين العال العال و النابت عند الفوال طلعت ايده ما بينشال و الضمانة البياعين
باعو في أول نيروز ولا وحده منيحة ياجوز يا خساره ما عنا موز ولو كان عنا غالي كتير

شكراً لك على الموضوع الرائع يا طارق